தினகரன் 26.08.2010
விளம்பர தட்டிகள் அகற்றம்
வால்பாறை, ஆக. 26: வால்பாறை டவுனில் அதிகளவில் விளம்பர தட்டிகள் வைக்கப்பட்டிருந்தன. சாலையோரங்களில் கட்சி வேறுபாடின்றி வைக்கப்பட்ட விளம்பர தட்டிகளை நகராட்சி அதிகாரிகள் போலீஸ் பாதுகாப்புடன் நேற்று அப்புறப்படுத்தினர். நகராட்சி துப்புரவு பணியாளர்கள் இப்பணிகளில் ஈடுபட்டனர். அகற்றப்பட்ட தட்டிகள் நகராட்சி டிராக்டரில் ஏற்றப்பட்டு, நகராட்சி அலுவலகத்தில் வைக்கப்பட்டது. நகராட்சியின் இந்த நடவடிக்கையை பொதுமக்கள் பாராட்டினர். இதனால் சாலை விபத்து குறையும் என நம்பிக்கை தெரிவித்தனர்.வால்பாறை நகரில் வைக்கப்பட்டிருந்த விளம்பர பலகைகளை போலீஸ் பாதுகாப்புடன் நகராட்சி ஊழியர்கள் நேற்று அப்புறப்படுத்தினர்.