Urban News

பொள்ளாச்சி, மே 27: பொள் ளாச்சி நகரில் போக்குவரத்துக்கும், பொதுமக்களுக்கும் இடையூறாக உள்ள விளம்பர பேனர்களை அகற்றுவதில் நகராட்சி நிர்வாகம் அதிரடி யாக களம் இறங்கியுள்ளது.

பொள்ளாச்சி நகரில் கோவை ரோடு, நியூ ஸ்கீம் ரோடு, தேர்நிலை, சத்திரம் வீதி, ராஜாமில் ரோடு, தாலுக்கா அலுவலக ரோடு, காந்தி சிலை சந்திப்பு, பஸ் ஸ்டாண்ட் முன்பு, பாலக்காடு ரோடு உள்ளிட்ட பகுதிகள் வாகன போக்குவரத்து நிறைந்தவையாகும். இதில் பெரும்பாலான இடங்களிலும் வர்த்தக நிறுவனங்களும், அரசியல் கட்சியினரும் விளம்பர பேனர் களை வைத்துள்ளதால் பல இடங்களில் போக்குவரத்து ஸதம்பித்து பொதுமக்கள் மிகவும் அவதிக்குள்ளாகி வருகின்றனர். இதுபோன்ற விளம்பர பேனர்களால் பல இடங்களில் அடிக்கடி விபத்துக்களும் ஏற்படுகின்றன. இப்பிரச்னைகளுக்கு தீர்வு காண விதிமுறைகளை மீறி வைக்கப்பட்டுள்ள விளம்பர பேனர்களை உடனடியாக அகற்ற வேண்டும் என்று பொதுமக்கள் மற்றும் மக்கள் பிரதிநிதிகள் தொடர்ந்து வலியுறுத்தி வந்தனர்.

இந்நிலையில் நேற்று நகராட்சி நிர்வாகத்தின் நகரமைப்பு பிரிவு அதிகாரிகள் மற்றும் துப்புரவு பணியாளர்கள் விளம்பர பேனர் களை அகற்றும் பணியில் அதிரடியாக களம் இறங்கினர். நகராட்சி அலுவலகம் எதிரே, பஸ் ஸ்டாண்ட் முன்பு, காந்தி சிலை உள்ளிட்ட பகுதிகளில் போக்குவரத்துக்கும் பொதுமக்களுக்கும் இடையூ றாக இருந்த விளம்பர பேனர்கள் அகற்றப்பட்டன. அதில் வர்த்தக நிறுவனங்களின் பேனர்கள் மட்டும் அகற்றப்பட்டு, அரசியல் கட்சியினரின் பேனர்கள் அகற்றப்படவில்லை.

இதுகுறித்து நகராட்சி அதிகாரிகளிடம் கேட்ட போது, வர்த்தக நோக்கில் வைக்கப்பட்ட விளம்பர பேனர்களை மட்டும்தான் நகராட்சி நிர்வாகம் அகற்ற முடியும். அரசியல் கட்சியினர் சார்பில் வைக்கப்பட்டுள்ள விளம்பர பேனர்களை போலீசார்தான் அகற்ற வேண்டும். அப்பணிக்கு தேவையான ஊழியர்களை நகராட்சி நிர்வாகம் கொடுத்து உதவும், என்ற னர்.

சாலையோரத்தில் இருந்த பிளக்ஸ் போர்டுகள் அகற்றம்

பட்டுக்கோட்டை: பட்டுக்கோட்டை மற்றும் அதன் சுற்றுவட்டார பகுதிகளுக்கு வந்தபோது கலெக்டர் சண்முகம் பட்டுக்கோட்டை கடைத்தெரு பகுதிகளில் வியாபாரிகளுக்கும், பொதுமக்களுக்கும் இடையூறாக சாலையோரங்களில் நிறைந்து இருந்த விளம்பர போர்டுகளை உடனடியாக அகற்ற வேண்டும் என உத்தரவிட்டார்.

அதனை தொடர்ந்து நிரந்தரமாக நிறுவப்பட்டிருந்த போர்டுகள், காலம் கடந்தும் அகற்றப்படாமல் இருந்த போர்டுகள் என 70க்கும் மேற்பட்ட சிறு மற்றும் பெரிய போர்டுகளை நகராட்சியினர் அப்புறப்படுத்தி எடுத்துச்சென்றனர். இதில், மணிகூண்டு, அறந்தாங்கி முக்கம், பெண்கள் மேல்நிலைப்பள்ளி உள்ளிட்ட பகுதிகளில் இருந்த போர்டுகள் அகற்றப்பட்டன.

இந்த விளம்பர போர்டு அகற்றுவதில் கலெக்டரின் உத்தரவை ஏற்று அதிரடியாய் செயல்பட்ட அதிகாரிகளிடம், ""இதுபோன்று எப்போதும் செயல்படுங்கள்,'' என பொது மக்கள் வேண்டுகோள் விடுத்தனர். அத்துடன், பலமுறை ஆர்.டி.ஓ., கூட்டம் போட்டும் இதுவரை கூட்டத்தில் எடுக்கப்பட்ட முடிவை செயல்படுத்தாதது ஏன் என்பதை கலெக்டர் கேட்டறிய வேண்டும்.

வியாபாரிகள், அனைத்து மோட்டார் சங்க நிர்வாகிகள், அரசியல் கட்சி பொறுப்பாளர்கள், எம்.எல்.ஏ., நெடுஞ்சாலை துறையினர் என அனைத்து தரப்பினரையும் மாதம் மாதம் கூட்டி பல மணிநேரத்தைவீணாக்கி வரும் ஆர்.டி.ஓ., மெய்யழகனை,அவரது தலைமையில் நடக்கும் கூட்டத்தில் ஒப்புக் கொள்ளப்பட்ட தீர்மானங்கள் மீது நடவடிக்கை எடுக்க கலெக்டர் உத்தரவிட வேண்டும், என நகரின் அனைத்து தரப்பினரும் வேண்டுகோள் விடுத்துள்ளனர்