Urban News

இது தொடர்பாக திருநெல்வேலி மாவட்ட ஆட்சியரிடம் செவ்வாய்க்கிழமை அவர் அளித்துள்ள மனுவில் கூறியிருப்பதாவது:

பாப்பான் கால்வாயில் ஆக்கிரமிப்பு செய்துள்ள பலருக்கு ஏற்கெனவே அரசு முறையான பட்டா வழங்கி, ஆக்கிரமிப்பு இடங்களை அவர்களுக்கே சொந்தமாக்கிக் கொடுத்துள்ளது. அதில், பலர் தாங்கள் பட்டா மூலம் பெற்ற இடங்களை வேறு நபருக்கு கிரையம் செய்துள்ளனர். பட்டா வழங்கப்பட்ட இடங்களை ஒட்டியிருக்கும் சில குடியிருப்புக்களுக்கு பட்டா வழங்க நடவடிக்கை எடுக்கப்பட்டு வரும் நிலையில், மாவட்ட நிர்வாகம் இறுதி முடிவு எடுக்காமல் நிலுவையில் வைத்துள்ளது.

மேலும், இங்கு சுமார் 250 குடும்பங்கள் குடிசைகளில் வசித்து வருகின்றனர். தினக்கூலி பணியில் உள்ள இவர்களை அப்புறப்படுத்தும் முன், அவர்களுக்கு மாற்று ஏற்பாடு செய்து கொடுக்க வேண்டியது அரசின் கடமை. உச்சநீதிமன்றம் கூட இதை வலியுறுத்தியுள்ளது.

எனவே, அவர்களுக்கு மாற்று ஏற்பாடு செய்து கொடுக்க வேண்டும் எனத் தெரிவித்துள்ளார்.

பாப்பான்கால்வாய் ஆக்கிரமிப்புப் பகுதி குடிசைகளில் வசித்து வரும் பெண்கள் நூற்றுக்கும் மேற்பட்டோர், புதன்கிழமை பீட்டர்அல்போன்ஸ் எம்.எல்.ஏ. வைச் சந்தித்து, மாற்று ஏற்பாடுகள் செய்து தருமாறு,கண்ணீர் ததும்ப கோரிக்கை விடுத்தனர். அவர்களிடம் தேவையான நடவடிக்கைகளை எடுப்பதாகக் கூறி எம்.எல்.ஏ. சமாதானம் செய்து அனுப்பி வைத்தார்.

38 ஆண்டுகளாக, பாப்பான் கால்வாய்ப் பகுதியில் ஆக்கிரமிப்பு செய்துள்ளவர்கள் மீது நடவடிக்கை எடுக்க மாவட்ட நிர்வாகம் திட்டமிட்டுள்ள நிலையில், இத்தனை ஆண்டுகளாக அவர்களை அங்கு தங்குவதற்கு அனுமதி அளித்து, அத்தனை வசதிகளையும் ஏற்படுத்தித் தந்துள்ள அதிகாரிகளின் மீது மாவட்ட நிர்வாகம் என்ன நடவடிக்கை எடுக்க முடிவு செய்துள்ளது என்பதை விளக்க வேண்டும். மேலும், இப் பிரச்னை தொடர்பாக தமிழக முதல்வர் மற்றும் துணை முதல்வரைச் சந்தித்துப் பேசவுள்ளேன் என்றார், பீட்டர் அல்போன்ஸ்.