Urban News

ஆறுமுகனேரி, நவ. 29: ஆறுமுகனேரி தேர்வுநிலை பேரூராட்சிக்கு ரூ. 23 லட்சத்தில் புதிய கட்டடம் கட்டுவதற்கு பேரூராட்சிக் கூட்டத்தில் தீர்மானம் நிறைவேற்றப்பட்டுள்ளது.

ஆறுமுகனேரி பேரூராட்சியின் கூட்டம், அதன் தலைவர் சா.பொன்ராஜ் தலைமை யில் நடைபெற்றது.

கூட்டத்தில் நிறைவேற்றப்பட்ட பிற தீர்மானங்கள் வருமாறு: குடிநீர்த் தட்டுப்பாடு உள்ள பகுதிகளில் ஆழ்குழாய் மூலம் தண்ணீர் பெறும் பொது நல்லி அமைப்பது, 2010-11-ம் ஆண்டு சிறப்பு சாலைகள் திட்டத்தின் கீழ் 11-வது வார்டு அய்யாத்துரைபுரம், 3-வது வார்டு எஸ்.எஸ்.கோயில்தெரு, 6-வது வார்டுகந்தசாமிபுரம்,9-வது வார்டு மணக்காடு, 5-வது வார்டு ஏஐடியூசி காலனி மற்றும் 18-வது வார்டு பெருமாள்புரம் ஆகிய பகுதிகளில் சிமென்ட் சாலைகள் அமைப்பது.

மழைக்காலங்களில் பிரதான சாலைகளில் தண்ணீர் தேங்குவதைத் தடுக்க மழைநீர் சேகரிக்கும் தொட்டி அமைத்தல் உள்ளிட்ட தீர்மானங்கள் கூட்டத்தில் நிறைவேற்றப்பட்டன.

உள்ளகரம் : உள்ளகரம்-புழுதிவாக்கம் நகராட்சியில் உள்ள, பூங்காக்களுக்கு 24.65 லட்ச ரூபாய் செலவில் சுற்றுச்சுவர் அமைப்பது, என மன்ற கூட்டத்தில் தீர்மானம் நிறைவேற்றப்பட்டது.உள்ளகரம்-புழுதிவாக்கம் நகர்மன்ற கூட்டம் அதன் தலைவர் ஜெயச்சந்திரன் தலைமையில் நடந்தது. செயல் அலுவலர் கிரிஜா முன்னிலை வகித்தார். துணை தலைவர் குமரமணிகண்டன் மற்றும் கவுன்சிலர்கள் கலந்து கொண்டனர். கூட்டத்தில் 9.5 லட்ச ரூபாய் செலவில் நகராட்சி பொது நிதி மூலம் சாலை அமைப்பது; சாரதிநகர், அன்னை தெரசா நகர், பாலாஜி நகர் ஆகிய பகுதிகளில் உள்ள, பூங்காக்களுக்கு 24.65 லட்ச ரூபாய் செலவில் சுற்றுச்சுவர் அமைப்பது; என்.எஸ்.சி., போஸ் சாலையை 16.50 லட்ச ரூபாய் செலவில் அமைப்பது, உள்ளிட்ட தீர்மானங்கள் நிறைவேற்றப்பட்டன.