Urban News

சேலம், பிப்.25: சேலம் மாநகராட்சிக்குட்பட்ட கடைகள், காய்கறி மார்க்கெட்டுகள் வியாழக்கிழமை ஏலம் விடப்பட்டன.

மாநகராட்சியில் உள்ள பஸ் நிலையக் கடைகள், நாளங்காடிகள், பூங்காக்கள், காய்கறி மார்க்கெட்டுகள், சைக்கிள் நிறுத்தங்கள் உள்ளிட்ட 38 இனங்களுக்குக்கு ஆண்டுதோறும் பொது ஏலம் நடத்தப்படுவது வழக்கம்.

அதன்படி, மாநகராட்சி மைய அலுவலகத்தில் சூரமங்கலம் மண்டலத்துக்குட்பட்ட 13 இனங்களுக்கு உதவி ஆணையர் நெப்போலியன் தலைமையிலும், அஸ்தம்பட்டி மண்டலத்துக்குட்பட்ட 3 இனங்களுக்கு உதவி செயற்பொறியாளர் அசோகன் தலைமையிலும் பொது ஏலம் நடைபெற்றது.

இதேபோல் கொண்டலாம்பட்டியில் உள்ள 9 இனங்களுக்கும், அம்மாப்பேட்டையில் உள்ள 13 இனங்களுக்கும் உதவி ஆணையர் தங்கவேல் தலைமையில் ஏலம் நடந்தது. பொது ஏலத்தில் மாதம் மற்றும் ஆண்டு கட்டண வசூல் செய்வதற்கான இனங்களுக்கு ஏற்றவாறு ரூ.10 ஆயிரம் முதல் ரூ.10 லட்சம் வரை ஏலத் தொகை அறிவிக்கப்பட்டிருந்தது.

மேயர் ரேகா பிரியதர்ஷிணி, ஆணையர் கே.எஸ். பழனிசாமி மற்றும் செயற்பொறியாளர்கள் கலந்து கொண்டனர். ஏலம் நடைபெறுவதால் அசம்பாவிதங்கள் நிகழாமல் தடுப்பதற்காக போலீஸ் உதவி ஆணையர் சந்திரமோகன் தலைமையில் டவுன் போலீஸôர் பாதுகாப்புப் பணியில் ஈடுபட்டிருந்தனர்.

கோத்தகிரி : கோடை சீசனுக்காக, கோத்தகிரி நேரு பூங்காவில் பராமரிப்பு பணிகள் மேற்கொள்ளப்பட்டுள்ளன.கோத்தகிரி பேரூராட்சி பராமரிப்பில் இருந்து வந்த நேரு பூங்கா, 7 ஆண்டுகளுக்கு முன், தோட்டக்கலைத் துறை வசம் ஒப்படைக்கப்பட்டது. பல்வேறு நிதியின் கீழ் 30 லட்சத்துக்கும் மேல் செலவழிக்கப்பட்டு, பூங்கா சிறப்பாக பராமரிக்கப்படுகிறது. இரு ஆண்டுகளாக கோடைவிழா நாட்களில் காய்கறி கண்காட்சி நடத்தப்பட்டு வருகிறது.

வரும் சீசனுக்காக, பூங்கா நுழைவு வாயில் நடைபாதை, நாற்காலி, அழகிய குடை பராமரிக்கப்பட்டு வருகிறது. பல வண்ணங்களிலான 100க்கணக்கான மலர் நாற்றுகள் நடவு செய்யப்பட்டுள்ளன. வெயிலின் தாக்கத்தில் இருந்து மலர் நாற்றுகளை பாதுகாக்க சிறப்பு ஏற்பாடு செய்யப்பட்டுள்ளது. வரும் ஏப்ரல் - மே மாதங்களுக்குள் பூங்காவில் நடவு செய்யப்பட்டுள்ள மலர்கள் பூத்துக்குலங்கும் வகையில், தொழிலாளர்கள் பணியில் ஈடுபட்டுள்ளனர்.