தினமலர் 27.08.2010
சுகாதாரக் குறைபாடு நெல்லை ஸ்வீட்ஸ்டால் குடோனுக்கு சீல் வைப்பு
திருநெல்வேலி:நெல்லையில் சுகாதாரக் குறைபாடு இருந்த ஸ்வீட் ஸ்டால் குடோன் மூடி சீல் வைக்கப்பட்டது.சுகாதார குறைவாக ஸ்வீட் ஸ்டால் குடோன்களில் உணவு பண்டங்கள் தயாரிக்கப்படுவதாக மாநகராட்சி கமிஷனர் சுப்பையனுக்கு வந்த புகாரின் அடிப்படையில் மாநகராட்சி உதவி சுகாதார அதிகாரி சாந்தி தலைமையில் உணவு ஆய்வாளர் சங்கரலிங்கம், சுகாதார ஆய்வாளர்கள் சுப்பிரமணியன், அந்தோணி, துப்புரவுப்பணி மேற்பார்வையாளர் பழனி அடங்கிய குழுவினர் மதுரை ரோட்டிலுள்ள உணவுப் பொருட்கள் தயாரிக்கும் இடத்தை ஆய்வு செய்தனர்.
குடோனில் மிகவும் சுகாதாரக் கேடாக இருந்ததால் ஸ்வீட் தயாரிப்பு தொழிலை தொடர்ந்து நடத்த நிறுத்திவைக்க உத்தரவிடப்பட்டது. இதையடுத்து அந்த கம்பெனி மூடி சீல் வைக்கப்பட்டது. தொடர்ந்து மாநகராட்சிப் பகுதியில் உள்ள அனைத்து குடோன்களும் திடீர் ஆய்வு செய்யப்படும். ஆய்வின் போது சுகாதாரக்கேடுகள் நிறைந்து காணப்பட்டால் ஸ்வீட் தயாரிப்புக்கு தடை விதிக்கப்படும் என உதவி சுகாதார அதிகாரி சாந்தி எச்சரித்துள்ளார்.