தினகரன் 07.09.2010
சென்னை கூடுதல் நகராட்சி இயக்குநர் பழநியில் ஆய்வு
பழநி, செப். 7: பழநி நகரில் ரூ.4.17 கோடியில் மேற்கொள்ளப்படும் சாலை மேம்பாட்டு திட்ட பணிகளை கூடுதல் நகராட்சி இயக்குநர் பிச்சை ஆய்வு செய்தார்.
பழநி நகரில் சாலை மேம்பாட்டு திட்டத்தின் கீழ் ரூ.4.17 கோடி மதிப்பில் 54 சாலைகளுக்கான திட்ட மதிப்பீடு தயார் செய்து, அரசுக்கு அனுப்பி வைக்கப்பட்டுள்ளது. இதன்படி சென்னை கூடுதல் நகராட்சி நிர்வாக இயக்குநர் பிச்சை நேற்று பழநி வந்தார். பின் அவர், அடிவாரம் அருள்ஜோதி வீதி, ஸ்டேட் வங்கி சாலை, பஸ் நிலைய காந்தி சாலை, தெற்கு ரதவீதி, மேற்குரத வீதி ஆகிய சாலைகளை ஆய்வு செய்தார்.
