தினகரன் 22.11.2013
பதிவு மூப்பு சரிபார்க்க அழைப்பு குடிநீர் வடிகால் வாரியத்தில் இளநிலை உதவியாளர் பணி
திருச்சி, : குடிநீர் வடிகால் வாரியத்தில் இளநிலை உதவியாளர் பணியிடத்துக்கு தங்களது பதிவு மூப்பை சரிபார்த்துக்கொள்ள அழைப்பு விடுக்கப்பட்டுள்ளது.
இதுகுறித்து திருச்சி மாவட்ட வேலை வாய்ப்பு அலுவலக உதவி இயக்குனர் தமிழ்செல்வி வெளியிட்டுள்ள செய்திக் குறிப்பு:
பிஎஸ்சி கம்ப்யூட்டர் சயின்ஸ், பிசிஏ, ஆபீஸ் ஆட்டோமேஷன் பட்டப்படிப்பு படித்து வேலை வாய்ப்பு அலுவலகத்தில் பதிவு செய்திருந்தவர்கள் தங்களின் பதிவுகளை சரிபார்த்துக் கொள்ள அறிவுறுத்தப்பட்டுள்ளனர்.
கடந்த 01.07.13ம் தேதியுடன் ஓசி பிரிவினர் 30 வயதும், பிசி, எம்பிசி, பிசி முஸ்லீம் பிரிவினர் 32 வயதும், தாழ்த்தப்பட்ட பழங்குடியினர் மற்றும் எஸ்சிஏ பிரிவினர் 35 வயதும் மிகாமல் இருக்க வேண்டும்.
இத்தகுதியை உடையோர் வேலைவாய்ப்பு அலுவலகத்தில் பதிவு செய்திருந்தால் அவர்கள் தங்களின் பதிவுகளை சரிபார்த்துக்கொண்டு உறுதி செய்துகொள்ள வேண்டும். எஸ்சி, பிசி மற்றும் பொதுப்பிரிவினர் 18.7.2002 வரையிலும், எம்பிசி பிரிவினர் 8.10.2002 வரையிலும், பிசி முஸ்லிம் பிரிவினர் 31.7.2002 வரையிலும், எஸ்சிஏ பிரிவினர் 23.9.2003, எஸ்டி பிரிவினர் 25.11.2005 தேதி வரையும் பதிவு செய்தவர்கள் தங்களது பதிவை சரிபார்த்து,
<லீttஜீ://tஸீஸ்மீறீணீவீஸ்ணீணீவீஜீஜீu.ரீஷீஸ்.வீஸீ> என்ற இணையதளத்தில் அடையாள அட்டை பிரதி எடுத்துக்கொள்ள வேண்டும்.
பின்னர் அதனுடன் சான்று நகல்கள், வேலைவாய்ப்பு அலுவலக பதிவு அட்டை ஆகியவற்றுடன் வேலைவாய்ப்பு அலுவலகத்துக்கு வரும் 26ம் தேதிக்குள் நேரில் சென்று பட்டியலில் பெயர் உள்ளதை சரிபார்த்துக்கொள்ள வேண்டும். இவ்வாறு அவர் கூறியுள்ளார்.
