Urban News

இதற்கான அனுமதி விரைவில் கிடைக்கும் என மாநகராட்சி வட்டாரங்கள் தெரிவித்தன.நாடு முழுவதும் வன உயிரினப் பூங்காக்களில் நிலவும் இடப்பற்றாக்குறை, விலங்குகளின் சுதந்திரம், இயற்கைச் சூழலில் விலங்குகள் பாதுகாக்கப்படாத சூழல் உள்ளிட்டவை குறித்து தேசிய வன உயிரினப் பூங்கா ஆணையம் 1996 முதல் தொடர்ந்து எச்சரிக்கை செய்து வருகிறது.

இங்கு இருக்கும் பறவைகள், விலங்குகளின் எண்ணிக்கையை ஒப்பிடும்போது, பூங்காவின் பரப்பு (சுமார் 4 ஏக்கர்) குறைவாக உள்ளது. போக்குவரத்து நெருக்கடியான இடத்தில் இருப்பதால் வாகன இரைச்சல் காரணமாக வன விலங்குகள் அடிக்கடி பாதிக்கப்படுகின்றன.இந்நிலையில் வ.உ.சி. வன உயிரினப் பூங்காவை, கோவையை அடுத்த எட்டிமடையில் உள்ள கல்லாங்குத்து புறம்போக்கு நிலத்தில் இயற்கை சூழலில் அமைக்கலாம் என மாநகராட்சி கல்வி மற்றும் பூங்காக்கள் குழு பரிந்துரை செய்திருந்தது.

பூங்கா அமையவுள்ள இடத்துக்கு அருகே ரயில் பாதை அமைந்துள்ளதால் விலங்குகள் பாதிக்கப்படும் என்றும், தேர்வு செய்யப்பட்டுள்ள இடத்தில் குன்றுகள் அதிகமாக இருப்பதாலும் அந்த இடத்தை அதிகாரிகள் நிராகரித்தனர்.இதுதவிர அப்பகுதி யானை வழித்தடத்தில் இருப்பதால் அதை தேர்வு செய்ய வனத்துறையும் எதிர்ப்பு தெரிவித்தது.இந்நிலையில் ஆனைக்கட்டி ஊராட்சியில் உள்ள 250 ஏக்கர் வருவாய் நிலத்தில் 50 ஏக்கர் ஒதுக்கும்படி மாவட்ட ஆட்சியரிடம், மாநகராட்சி நிர்வாகம் வலியுறுத்தியுள்ளது.

கோவையில் இருந்து ஆனைக்கட்டி செல்ல சுமார் 30 கி.மீ. பயணம் செய்ய வேண்டும். இங்கிருந்து அவ்வளவு தொலைவுக்குப் பயணம் செய்து வனஉயிரினப் பூங்காவை பொதுமக்கள் பார்வையிடுவார்களா? என்பது கேள்விக்குறி தான்.எனவே, உலகத் தமிழ்ச் செம்மொழி மாநாட்டையொட்டி கோவை சிறையில் அமையவுள்ள தாவரவியல் பூங்கா அருகே வனஉயிரின பூங்காவுக்கும் குறைந்தபட்சம் 20 ஏக்கர் ஒதுக்க வேண்டும் என்பது வன உயிரின ஆர்வலர்களின் எதிர்பார்ப்பு.