Urban News

புதுச்சேரி, செப். 28: புதுவை மாநிலத்தில் 50 மைக்ரானுக்கு குறைவான எடை யுள்ள பை, தட்டு, கப் போன்ற பிளாஸ்டிக் பொருட்களை பயன்படுத்த சில நாட்களுக்கு முன்பு அரசு தடை விதித்தது. ஆனால் மெல்லிய பிளாஸ் டிக் பொருட்கள் பயன்பாடு தொடர்ந்து கொண்டே தான் இருந்தது.

இந்நிலையில் புதுவை பெரிய மார்க்கெட் பகுதியில் உள்ள கடைகளில் 50 மைக்ரானுக்கு குறைவான பிளாஸ்டிக் பைகளை பயன்படுத்துவதாக வருவாய்த்துறைக்கு புகார் வந்தது. அதன்படி, புதுச்சேரி தாசில் தார் தில்லைவேல் தலைமை யில் தேசிய அறிவியல் சுற்றுச்சூழல் துறை அதிகாரி ரமேஷ், துணை தாசில்தார் சிவசங்கரன் மற்றும் நக ராட்சி அதிகாரிகள் பெரிய மார்க்கெட்டில் உள்ள கடை களில் அதிரடி சோதனை நடத்தினர். மொத்தமுள்ள 394 கடைகளில் சோதனை செய்ததில் 200க்கும் மேற்பட்ட கடைகளில் தடை மீறி 50 மைக்ரானுக்கு குறைவான பிளாஸ்டிக் பைகளை பயன்படுத்தியது கண்டறியப்பட்டது. அந்த பைகளை அதிகாரிகள் பறிமுதல் செய்தனர். இதுகுறித்து தாசில்தார் தில்லைவேலிடம் கேட்டபோது, `பெரிய மார்க்கெட் பகுதி யில் உள்ள கடைகளில் சோதனை நடத்தியதில் 50 மைக்ரானுக்கு குறைவான பிளாஸ்டிக் பைகளை பயன்படுத்தியது தெரியவந்தது. அவற்றை பறிமுதல் செய்துள்ளோம். பிளாஸ்டிக் பைகளுக்குப் பதிலாக துணி, காகிதப் பைகளை பயன்படுத்துமாறு அறிவுறுத்தியுள்ளோம். மெல்லிய பிளாஸ்டிக் பொருட்களை பயன்படுத்தினால் கடும் நடவடிக்கை எடுக்கப்படும் என எச்சரிக்கை விடுத்துள்ளோம். இதுபோல் நகரின் எல்லா பகுதிகளிலும் கடைகளில் சோதனை நடத்தப்படும். தடை மீறி பிளாஸ்டிக் பொருட்களை பயன்படுத் தும் கடைக்காரர்கள் மீது கடும் நடவடிக்கை எடுக்கப்படும்‘ என்றார். அதிகாரிகளின் இந்த அதிரடி சோதனையால் பெரியமார்க்கெட் பகுதியில் பரபரப்பு ஏற்பட்டது.

நெல்லை, செப். 27: வரிசெலுத்தாத வீடுகள் மற்றும் கடைகளில் இன்று முதல் குடிநீர் இணைப்பு துண்டிக்கப்படுகிறது.

இதுகுறித்து பாளை மண்டல உதவி கமிஷனர் பாஸ்கர், உதவி வருவாய் அலுவலர் வெங்கட்ராமன் ஆகியோர் வெளியிட்டுள்ள செய்திக்குறிப்பு; நெல்லை மாநகராட்சி பாளை மண்டலத்திற்கு உட்பட்ட கட்டிடங்களுக்குரிய செத்துவரி, குடிநீர் கட்டணம், மாநகராட்சி கடைகளுக்கான குத்தகை தொகை மற்றும் இதர வரியினங்களை நிலுவையின்றி செலுத்த பலமுறை அறிவிக்கப்பட்டுள்ளது.

ஆனால் பாளை மண்டலத்தில் புதுப்பேட்டை, ராஜேந்திரநகர், பெருமாள் மேலரதவீதி, மாடத்தெரு, கிருஷ்ணன் கோயில் தெரு, சீனிவாசநகர், கவிதாநகர், வி.எம்.சத்திரம், பெரியார்நகர், செயின்ட் பால்ஸ்ரோடு, திருச்செந்தூர்ரோடு, சொக்கலிங்கம் சுவாமி கோயில் தெரு, சீவலப்பேரி ரோடு, செந்தில் நகர், குலசேகர ஆழ்வார்தெரு, சிவன் கோயில் தெரு, திம்மராஜபுரம், கக்கன்நகர், வெங்கடேஷ்வரா நகர், சாந்திநகர், ரஹ்மத்நகர்,வீட்டுவசதிவாரிய குடியிருப்பு, கேடிசி நகர் ஆகிய பகுதிகளில் பலர் மாநகராட்சிக்கு செலுத்த வேண்டிய வரியினங்களை இதுவரை செலுத்தாமல் உள்ளனர்.

இப்பகுதிகளில் இன்று முதல் குடிநீர் இணைப்பு துண்டிப்பு மற்றும் ஜப்தி நடவடிக்கைகள் மேற்கொள்ளப்படும். ஆகவே பொதுமக்கள் நிலுவையின்றி வரியினங்களை செலுத்தி ஜப்தி நடவடிக்கையை தவிர்த்திட கேட்டுக்கொள்ளப்படுகின்றனர்.