Urban News

பெங்களூர், செப். 8: பெங்களூர் மாநகரில் புதியதாக கட்டப்படும் கட் டிடம், அப்பார்ட்மெண்ட் ஆகியவைக்கு குடிநீர் மற்றும் கழிவுநீர் வசதி செய்து கொடுக்க ஆலோசனை வழங்க நிபுணர் குழு அமைக்க வேண்டும் என்று மஜத கோரிக்கை வைத்துள்ளது.

இது குறித்து சிந்தியா செய்தியாளர்களிடம் கூறியதாவது:

பெங்களூர் மாநகரம் மழை காலத்தில் தண்ணீர் தேங்கி நிற்கும் பகுதியாக மாறி வந்தாலும், தினமும் உயரமான கட்டிடங்கள், அப்பார்ட்மெண்ட் ஆகியவை உருவாகி வருகிறது. புதியதாக கட்டப்படும் கட்டிடங்களுக்கு குடிநீர் இணைப்பு மற்றும் கழிவுநீர் வசதி செய்து கொடுப்பதற்கான கோப்புகள் மாவட்ட பொறுப்பு அமைச்சரிடம் அனுப்பி அவரின் ஒப்புதல் பெற்ற பின் அனுமதிக்கப்படுகிறது. இது தவறான முன்னுதாரணமாகும். மாநகரில் நிலவும் பாதிப்பை சரிப்படுத்தும் ஞானம் அமைச்சர் உள்பட மக்கள் பிரதிநிதிகளுக்கு குறைவாக உள்ளது. மக்கள் பிரதிநிதிகளை குறைத்து மதிப்பிட்டு நான் சொல்லவில்லை.

மக்களுக்கு தேவையான அடிப்படை வசதிகள் செய்து கொடுப்பது அரசின் கடமை என்றாலும், அதற்கான திட்டம் வகுத்து செயல்படுத்தும் தகுதி சம்மந்தப்பட்ட துறையில் படித்து பட்டம் பெற்றவர் களுக்கு மட்டுமே உள்ளது. அவர்களால் தான் பாதிப்பில்லாத வகையில் இணைப்பு கொடுக்க முடியும். ஆகவே புதிய கட்டிடங்களுக்கு குடிநீர் இணைப்பு மற்றும் கழிவுநீர் வசதி செய்து கொடுக்கும் ஆலோசனை வழங்கி தனி பிரிவு தொடங்கி, சம்மந்தப்பட்ட துறையில் அனுபவம் உள்ள நிபுணர்களை நியமனம் செய்ய வேண்டும். அவர்கள் கோப்பில் கையெழுத்திட்டு அனுமதி கொடுக்கும் அதிகாரம் வழங்க வேண்டும் என்றார்.

வால்பாறை: வால்பாறை நகராட்சியில் ரூ.2.55 கோடி மதிப்பீட்டில் புதுப்பிக்கப்படவுள்ள ரோடுகளை நகராட்சிகளின் துணைஇயக்குனர் ஆய்வு செய்தார். வால்பாறை நகராட்சிக்கு உட்பட்ட பகுதிகளில் பழுதடைந்துள்ள காஞ்சமலை, நல்லகாத்து, வால்பாறை டவுன் குமரன்ரோடு, அரசு மருத்துவமனை உள்ளிட்டப்பகுதிகளில் பழுதடைந்துள்ள ரோடுகளை நகராட்சிகளின் துணை இயக்குனர் துரைசந்திரசேகர் நேரில் சென்று ஆய்வு செய்தார். அவர் கூறியதாவது: வால்பாறையில் உள்ள பழுதடைந்துள்ள சாலைகளை சீரமைக்க ரூ.2 கோடியே 55 லட்சத்து 50 ஆயிரம் நிதிஒதுக்கீடு செய்யப்பட்டுள்ளது. தமிழகம் முழுவதும் உள்ள உள்ளாட்சி அமைப்புக்களின் கீழ் உள்ள சாலைகளை மேம்படுத்த ரூ.ஆயிரம் கோடி நிதி ஒதுக்கீடு செய்யப்பட்டுள்ளது. இந்தப்பணி இரண்டு மாதத்திற்கு பின்னர் இந்தப்பணிகள் அனைத்தும் துவங்கப்படும் என்றார். ஆய்வின் போது மண்டல இயக்குனர் விஜயலட்சுமி, நகராட்சி செயல்அலுவலர் ராஜ்குமார், பொறியாளர் சுப்பிரமணி ஆகியோர் உடன் இருந்தனர்.