Urban News

சின்னசேலம், ஆக. 13: மோட்டார் பொருத்தி குடிநீரை உறிஞ்சுவதால் வடக்கநந்தல் பேரூராட்சியில் குடிநீர் தட்டுப்பாடு அபாயம் ஏற்பட்டுள்ளது. அதை தடுக்க நடவடிக்கை எடுக்க வேண்டும் என்று பொதுமக்கள் வலியுறுத்தி உள்ளனர்.

வடக்கநந்தல் பேரூராட்சியில் ஓடும் கோமுகி ஆற்றில் விவசாயத்துக்கு நீர் எடுப்பதால் ஆற்றில் நீர் வற்றியதுடன், நீர் மட்டமும் குறைந்து போனது. இதனால் வடக்கநந்தல் பேரூராட்சிக்கு உட்பட்ட கச்சிராயபாளையம், அக்கராயபாளையம், மேட்டுப்பாளையம், வடக்கநந்தல் ஆகிய பகுதிகளில் பேரூராட்சி மூலம் குடிநீர் தேவை யான அளவுக்கு வழங்க முடியாத நிலை ஏற்பட்டு உள்ளது.

இந்நிலையில் 100க்கும் மேற்பட்டோர் பேரூராட்சி மூலம் குடிநீர் இணைப்பு பெற்றவர்களும், பெறாத வர்களும் மின் மோட்டார் பொருத்தி குடிநீர் எடுத்து இதர தேவைகளுக்கு பயன்படுத்தி வருகின்ற னர்.

இதனால் பேரூராட்சி குடிநீர் தெரு குழாய்களில் குடிநீர் எடுப்பவர்களுக்கு சிறிது நேரமே வருகிறது. இதனால் பலருக்கு குடிநீர் கிடைப்பதில்லை.

இந்த நிலை சின்னசேலம், கள்ளக்குறிச்சி ஆகிய பகுதிகளிலும் தொடர்கிறது. ஆகையால் குடிநீர் பஞ்சத்தை போக்க பொதுமக்களுக்கு ஓரளவு குடிநீர் கிடைத்திட, மாவட்ட ஆட்சியர் தனிப்படை அமைத்து மின் மோட்டார் பொருத்தி எடுப்பவர் மீது கடும் நடவடிக்கை எடுப்பதுடன் மின் மோட்டாரையும் பறிமுதல் செய்ய வேண்டும் என பொதுமக்கள் கோரிக்கை விடுத்துள்ளனர்.

புதுடெல்லி, ஆக. 13: டெல்லி நகரை சர்வதேச தரத்துக்கு அழகாக வைத்து கொள்ள நகரை அசிங்கப்படுத்துவோர் மீது கடும் நடவடிக்கை எடுக்க வேண்டும் என்று மாநகராட்சி, போலீசாருக்கு மாநில நிதித்துறை அமைச்சர் ஏ.கே.வாலியா கேட்டுக் கொண்டுள்ளார். காமன்வெல்த் போட்டியை முன்னிட்டு நகரை அழகுபடுத்தும் பணி மும்முரமாக நடைபெற்று வருகிறது.

இதற்கிடையே, நகரை அசிங்கப்படுத்தும் பணியில் தொடர்ந்து சிலர் ஈடுபட்டு வருகின்றனர். அவர்கள் மீது கடும் நடவடிக்கை எடுக்க வேண்டும் என்று மாநில அரசு கேட்டு கொண்டுள்ளது.

இதுகுறித்து அமைச்சர் வெளியிட்டுள்ள அறிக்கையில் கூறியிருப்பதாவது:

டெல்லியை சர்வதேச நகரமாக ஆக்கும் முயற்சியில், நகரை அசிங்கப்படுத்துவோர் மீது கடும் நடவ டிக்கை எடுக்க வேண்டும். இதற்காக டெல்லி அழகை பாழ்படுத்துவோர் தடுப்பு சட்டத்தை மாநகராட்சியும், போலீசாரும் தீவிரமாக அமல்படுத்த வேண்டும். நகரில் போஸ்டர்கள், பேனர்கள், சுவர்களில் விளம்பரம் வரைதல் ஆகியவற்றை தடுக்க வேண்டும். பொதுமக்களும் இப்பிரச்னையில் அரசு அமைப்புகளுடன் இணைந்து செயல்பட்டு நகரை சுத்தமாக வைத்திருக்க உதவ வேண்டும்.இவ்வாறு அமைச்சர் கூறியுள்ளார்.