Urban News

உடுமலை நகரத்திலுள்ள முக்கிய ரோடுகள் அனைத்தும் குறுகலாக உள்ளதோடு, ஆக்கிரமிப்பு கடைகளால் கடும் போக்குவரத்து நெரிசல் ஏற்பட்டு வருகிறது. உடுமலை பஸ் ஸ்டாண்ட், பொள்ளாச்சி ரோடு, ராஜேந்திரா ரோடு, கல்பனா ரோடு, வெங்கடகிருஷ்ணா ரோடு, சத்திரம் வீதி உட்பட அனைத்து ரோடுகளிலும் ஆக்கிரமிப்பு கடைகள் அதிகரித்துள்ளது.நகராட்சி அதிகாரிகளால், இரண்டு மாதத்திற்கு முன்பு ஆக்கிரமிப்புகள் அகற்றும் பணி நடந்தது. பாரபட்சமாக ஆக்கிரமிப்பு அகற்றம், அரசியல் தலையீடுகள் காரணமாக, மீண்டும் ஆக்கிரமிப்புகள் அதிகரித்தது. ஆக்கிரமிப்பு அகற்றுவதற்கு முன்பு இருந்ததை விட தற்போது மேலும் ஆக்கிரமிப்புகள் அதிகரித்து, போக்குவரத்து நெரிசல் மற்றும் விபத்துக்களை ஏற்படுத்தி வருகிறது.ரோட்டோரங்களில் கடைகள் அமைத்திருந்தவர்களும், பல ஆண்டுகளாக இதனை நம்பியிருக்கும் தங்களுக்கு, வேறு வழியில்லை என தெரிவித்து வந்தனர். இந்நிலையில், ரோடுகளை ஆக்கிரமித்து கடைகள் அமைத்துள்ளவர்கள் குறித்து கணக்கெடுக்கவும், அவர்களுக்கு அடையாள அட்டை வழங்கவும் நகராட்சிகள் மண்டல அலுவலகம் உத்தரவிட்டுள்ளது.இதன் அடிப்படையில், நகராட்சி அதிகாரிகள் தற்போது ரோட்டோர கடைகள் குறித்தும், அதன் உரிமையாளர்கள் குறித்தும் கணக்கெடுத்து வருகின்றனர். கடை உரிமையாளர்களிடம் படிவங்கள் கொடுத்து தகவல் சேகரித்து, போட்டோக்கள் பெற்றும் வருகின்றனர். நகராட்சி அதிகாரிகள் கூறியதாவது :ரோட்டோரங்களை நம்பி பிழைத்து வருபவர்களின் வாழ்வாதாரங்களை காக்கும் வகையிலும், போக்குவரத்து நெரிசலை ஏற்படுத்தி வரும் ஆக்கிரமிப்புகளை அகற்றும் வகையிலும் நடவடிக்கை எடுக்கப்பட்டு வருகிறது. முதல் கட்டமாக அடையாள அட்டைகள் வழங்கப்பட்டு; பொது மக்கள் வந்து செல்லும் இடத்தை தேர்வு செய்து, மாற்று இடமாக வழங்கப்படும் என்றனர்.

தினமணி 10.02.2010

சாலையோரங்களில் குப்பைகளை கொட்டினால் கடும் நடவடிக்கை ஆட்சியர் எச்சரிக்கை

÷காஞ்சிபுரம் மாவட்டத்தில் உள்ள 24 பேரூராட்சிகளில் சிட்லபாக்கம், குன்றத்தூர், நந்தம்பாக்கம், பெருங்களத்தூர், சோழங்கநல்லூர், மாங்காடு, செம்பாக்கம், திருநீர்மலை, மாடம்பாக்கம், பெருங்குடி, பீர்க்கன்கரனை, பள்ளிக்கரணை மற்றும் மீனம்பாக்கம் ஆகிய பேரூராட்சிகள் சென்னையை சுற்றியுள்ளன.

÷சென்னையை சுற்றியுள்ள 13 பேரூராட்சிகளில் மட்டும் 98 டன் குப்பை சேர்கிறது. இதில் மக்கும் குப்பை 20 டன் எருவாக்கப்படுகிறது. மக்காத குப்பை 78 டன் குப்பைகள் அந்த பேரூராட்சியின் குப்பை சேகரிக்கும் தளத்தில் கொட்டப்படுகிறது.

÷அவ்வாறு குப்பை அகற்றப்படும் இடங்களில் மீண்டும் குப்பை கொட்டப்படாமல் பார்த்துக் கொள்ள வேண்டும். தவறினால் கடுமையான நடவடிக்கை எடுக்கப்படும்.

சில நிறுவனங்கள் சாலைகளில் குப்பைகளை கொட்டுகின்றன. பெரும்பாலும் நள்ளிரவு நேரங்களில் இதுபோல் குப்பைகள் கொட்டப்படுகின்றன.

இதுபோல் குப்பைகளை யாராவது கொட்டினால் 8870803555 என்ற செல்போன் எண்ணில் தொடர்பு கொண்டு தெரிவிக்கலாம் என்றார்.

அவ்வாறு லாரியில் கொண்டு வந்து குப்பை கொட்டும்போது பிடிபட்டாலோ, ஆதாரத்துடன் சிக்கினாலோ அந்த வாகனத்தின் உரிமம், ஓட்டுநர் உரிமம் ஆகியவை ரத்து செய்யப்படும் என்றார்.