Urban News

இவர்களின் கருத்துகளுக்கு பின், மாநகர தொழில்நுட்ப ஆலோசனை கமிட்டி தலைவர் பாலசுந்தரம் பேசுகையில், "" வர்த்தகர்கள் மாநகராட்சிக்கு சொத்துவரி, வர்த்தக வரி, வருமான வரி, வணிகவரி, மின்சாரத்திற்கு கூடுதல் கட்டணம் செலுத்தி கடைகள் அமைத்து வியாபாரம் செய்கின்றனர். இதற்காக பல லட்சம் ரூபாயை முதலீடு செய்து தொழில் செய்கின்றனர். எனவே, அவர்களுக்கு எவ்விதத்திலும் பாதிப்பு நேராதவாறு, நடைபாதை வியாபாரிகளுக்கு வசதிகளை செய்து கொடுக்கலாம்,'' என்றார். "விருக்ஷா' அமைப்பு செயலாளர் சித்ரகலா பேசுகையில், "" நகரை தூய்மையாக வைத்திருக்க நடைபாதை வியாபாரிகள் அக்கறை காட்ட வேண்டும்,'' என்றார்.

மாநகர போலீஸ் சட்டம் -ஒழுங்கு துணைக்கமிஷனர் நாகராஜன் பேசுகையில், ""ஒவ்வொரு போலீஸ் ஸ்டேஷன் எல் லைக்குள்ளும் ஒரு வியாபார மையம் உருவாக்கி அங்கு கடைகளை அமைத்தால் மக்களுக்கு பிரச்னை ஏற்படாது,'' என்றார். இக்கூட்டத்தில், மாநகர போலீஸ் குற்றப்பிரிவு துணைக்கமிஷனர் காமினி உள்பட பலர் பேசினர். ஏராளமான நடைபாதை வியாபாரிகள் பங்கேற்றனர்.

பணி செய்யாத ஒப்பந்ததாரர்கள் மீது நடவடிக்கை எடுக்க முடிவு

வால்பாறை : "டெண்டர்' எடுத்த பணிகளை செய்யாத ஒப்பந்ததாரர்கள் மீது நடவடிக்கை எடுக்க நகராட்சி அதிகாரிகள் முடிவு செய்துள்ளனர்.வால்பாறை ஈட்டியார் எஸ்டேட் அரசு உதவி பெறும் நடுநிலைப்பள்ளிக்கு கழிப்பிடம், நடைபாதை, காம்பவுண்டு சுவர் கட்ட நகராட்சி சார்பில் கடந்த ஆண்டு "டெண்டர்' டப் பட்டது. ஆனால், இதுவரை இந்தப்பணி செய்ய வில்லை. இதே போல் பல்வேறு இடங்களில் டெண்டர் எடுத்தும் பணி செய்யாமல் பாதியில் கிடப்பதால் பொதுமக்கள் அதிருப்தியடைந்துள்ளனர்.இது குறித்து, வால்பாறை நகராட்சி அதிகாரிகள் கூறியதாவது: வளர்ச்சிப்பணிகளை விரைந்து முடிக்கும் நோக்கத்தில் தான் "டெண்டர்' விடப்படுகிறது. ஆனால், சில பணிகள் டெண்டர் விட்டு ஓராண்டுக்கு மேலாகியும் பணி செய்யப்படாமல் உள்ளது. சம்மந்தப்பட்ட ஒப்பந்ததாரர்கள் மீது நடவடிக்கை எடுப்பதுடன், விளக்கம் கேட்டு நோட்டீஸ் அனுப் பட்டுள்ளது என்றனர்.