Urban News

தினகரன்                29.01.2014 

மாநகராட்சி பகுதி காலி மனைகளில் தேங்கியுள்ள மழைநீரை வெளியேற்ற வேண்டும்தவறினால் நடவடிக்கை

திருச்சி, : திருச்சி மாநகராட்சி பகுதிகளில் உள்ள காலி மனைகளில் தேங்கியுள்ள மழைநீரை அப்புறப்படுத்த வேண்டும் என்று கமிஷனர் தண்டபாணி எச்சரிக்கை விடுத்துள்ளார்.

திருச்சி மாநகராட்சியில் உள்ள பல்வேறு பகுதிகளில் காலிமனைகளில் மழைநீர் தேங்கியுள்ளன. இவற்றின் காரணமாக கொசுக்கள் அதிகளவில் உற்பத்தியாகி சுகாதார கேடு ஏற்படுகிறது. எனவே 7 நாட்களுக்குள் தேங்கியுள்ள மழைநீரை அகற்ற வேண்டும். அவ்வாறு அகற்ற தவறும் காலிமனை உரிமையாளர்கள் மீது சுகாதார நலனுக்கு கேடு விளைவித்ததாக பராமரிப்பு கட்டணம் மற்றும் அபராதத்தொகை வசூலிக்க நடவடிக்கை எடுக்கப்படும். இதுதவிர சார்பதிவாளர் அலுவலகத்தில் தொடர்புடைய காலிமனை சொத்துக்கள் மீது வில்லங்கம் ஏற்படுத்தவும் நடவடிக்கை எடுக்கப்படும். இவ்வாறு மாநகராட்சி கமிஷனர் தண்டபாணி தெரிவித்துள்ளார்.

தினகரன்                29.01.2014  

பிப்ரவரி 1ம்தேதி நடக்கிறது பொதுநல சங்கங்கள் குறை கேட்பு கூட்டம் மாநகராட்சி அறிவிப்பு

சென்னை, :  மாநகராட்சி நேற்று வெளியிட்டுள்ள அறிக்கை:

பொதுநலச் சங்கங்களின் பிரதிநிதிகள் குறைகேட்பு கூட்டம் கடந்த 25ம்தேதி நடத்தப்படுவதாக இருந்தது. நிர்வாக காரணங்களால் ரத்து செய்யப்பட்டு, மீண்டும் வரும் 1ம்தேதி நடத்தப்படுகிறது. அதன்படி மண்டலம் ஒன்று முதல் 8 வரை செயல்பட்டு வரும் பொதுநல சங்கங்களின் பிரதிநிதிகளுடனான கூட்டம் கீழ்ப்பாக்கம் ஜெ.ஜெ. உள் விளையாட்டரங்கில் காலை 9 மணிக்கு நடைபெறும். மண்டலம் 9 முதல் 15 வரையில் செயல்படும் பொதுநல சங்கங்கள் பிரதிநிதிகளுடனான குறைகேட்பு கூட்டம் நந்தனம் ஒய்.எம். சி.ஏ. மைதானத்தில் அன்றைய தினம் மாலை 3 மணிக்கும் நடக்கிறது.

இதில், மாநகராட்சி ஆணையர், இணை மற்றும் துணை ஆணையர்கள், அனைத்து துறை தலைவர்கள் பங்கேற்கின்றனர்.